بہار اسکول ایگزامینیشن بورڈ پٹنہ کے تحت میٹرک کا نتیجہ آنے کے بعد طلبہ وطالبات کے درمیان کہیں خوشی تو کہیں غم کا ماحول ہے. ضلع کے کوڑھا بلاک میں واقع موسی پور کا باشندہ محمد شہاب الدین کی صاحبزادی کشش ناز نے میٹرک امتحان میں کل 434 نمبر لا کر نمایاں کامیابی حاصل کی اور اسکول اور ضلع کا نام روشن کیا ہے. بتا دیں کہ کشش شہر کے ایچ این ہائی اسکول مرچایء باڑی میں زیر تعلیم تھی. ناز نے اردو میں 89 ہندی میں 91 میتھ میتھکس میں 79 سائنس میں 96 اور سوشل سائنس میں 79 نمبر لا کر نمبر لا کر اپنے والدین اور اپنے اسکول کے اساتذہ کے سر کو اونچا کیا ہے. اس موقع پر کشش ناز نے نامہ نگار سے اپنی بے انتہا خوشی کا اظہار کرتے ہوئے بتایا کہ ہماری کامیابی کا سہرا ہمارے والدین اساتذہ اور کوچنگ کے تمام اساتذہ پر جاتا ہے. انہوں نے نگار کے سوال کا جواب دیتے ہوئے کہا کہ اگر حوصلہ بلند رہے اور اپنے منزل کو پانے کی ضد رہے تو مشکل سے مشکل گھڑی میں بھی وہ راستہ نکال لیتا ہے اور اپنے منزل تک پہنچ جاتا ہے اس لیے حالات کیسے بھی ہوں ہمیں گھبرانا نہیں چاہیے. سیلف اسٹڈی کے بغیر تعلیمی کامیابی حاصل نہیں کی جا سکتی ہے.