دوسرے مرحلے میں کٹیہار میں 26 اپریل کو لوک سبھا انتخابات ہوں گے۔ اس کےپیش نظر کل یعنی 4 اپریل کو وہاں نامزدگی کی آخری تاریخ ہے۔ تاہم کانگریس امیدوار کو لے کر آخری دور تک کنفیوژن برقرار رہی۔ 2 اپریل کو طارق انور کو ٹکٹ دینے کا اعلان کیا گیا۔ اس سے قبل طارق انور کاغذات نامزدگی جمع کرانے بیٹھے رہے۔ لیکن اعلان کرنے میں بہت دیر ہو چکی تھی۔ اس کے بعد طارق انور نے کہا کہ وہ 3 اپریل کو کاغذات نامزدگی داخل کریں گے۔ فی الحال کانگریس کے امیدوار طارق انور نے کٹیہار میں اپنا پرچہ نامزدگی داخل کیا۔ گرینڈ الائنس کی جانب سے طارق انور کو امیدوار بنایا گیا ہے۔ کانگریس کے ریاستی صدر اکھلیش سنگھ بھی نامزدگی میں حصہ لینے کے لیے ہیلی کاپٹر سے شہر کے ایل ڈبلیو سی میدان میں پہنچ کر پارٹی دفتر راجیندر أشرم پہنچے۔ اس موقع پر طارق انور نے کہا کہ کٹیہار میں روزگار کا بحران بڑا مسئلہ ہے۔ اس کے علاوہ اور بھی بہت سے مسائل ہیں. جن پر ہماری نظر ہے. جیتنے کے بعد یہاں ترقی کی گنگا بہے گی. انہوں نے کہا کہ اب کی بار این ڈی اے الءنس سے ہماری جیت یقینی ہے۔ کیوں کہ یہاں کی عوام مہنگایء اور بے روزگاری سے پریشان ہے۔ گرینڈ الائنس کے اتحاد کے سوال پر انہوں نے کہا کہ پورا گرینڈ الائنس ان کے حق میں متحد ہے۔ اس موقع پر پارٹی کے ضلع صدر سنیل کمار یادو آفتاب کنچن پنکج تماکھو والا, محمد سعود عالم, التمش دیوان کے علاوہ سینکڑوں پارٹی کارکنان موجود تھے.